Network
PORTAL MAJALENGKA - Dina raraga ngokolakeun penananganan Virus Covid-19, Pamarentah Daerah Kabupaten Majalengka ngadegeun Satuan Tugas Penanganan Covid-19.
Pembentukan Satgas Penanganan Covid-19 iyeu dipingpin langsung ku Bupati Majalengka, tempatna di Gedong Yuhda Karya Abdi Negara, Kemis 24 September 2020.
Kagiatan eta diluuhan ku Wakil Bupati, Sekda, Ketua DPRD Majalengka, Kapolres, Dandim 0617 nu diwakilan Kasdim, Dan Lanud S Sukani, Dan Yonif Raider 321/GT, Perwakilan Kepala Kejaksaan Negeri jeung Ketua Pengadilan Negeri Majalengka, Kadinkes sarta sakumna Kapala OPD lianna, Dirut BUMD, sakumna Camat sa-Kabupaten Majalengka.
Baca Juga: Operasi Yustisi ka Perkantoran
Bupati Majalengka, Dr H Karna Sobahi MMPd nyebutkeun yen kagiatan rapat koordinasi kiwari dilaksanakeun menindaklanjuti Keputusan Presiden RI No.82 tahun 2020 Tentang Komite Penanganan Covid-19 dan Pelmulihan Ekonomi Nasional sarta dumasar kana Surat Edaran Menteri Dalam Negeri Nomor 440/5184/SJ ngeunaan Pembentukan Satuan Tugas Penanganan Covid-19 Daerah.
"Dina hal iyeu ti Pamarentah Kab.Majalengka ngarespon ku dimedalkeunna Surat Keputusan Bupati Nomor 360/Kep. 645-BPBD/2020 ngeunaan Satuan Tugas Penanganan Covid-19 Kabupaten Majalengka," ceuk Bupati Karna.
Baca Juga: Tilu Pelaku Spesialis Pembobol Toko Diamankeun Sat Reskrim Polres Majalengka
Disebutkeun Bupati Karna, dina nyanghareupan situasi kiwari dimana Covid-19 masih kawilang masif penyebaranna.
Dina hal iyeu pembentukan Satgas Penanganan Covid-19 hususon di Kabupaten Majalengka iyeu ngalibetkeun sakumna elemen boh ti rengrengan luhur nepi ka handap.
